A partì da lunedì 25 de genàr, comincia el cors de “dialett” de l’Osteria Sant Andrea. Sto cors el voeur vess on sostegn per quei che voeuren imprend a leg e scriv, ma soratutt tornà a parlà in de la nòstra lengua.
Per quest credom che l’ambient de l’Osteria sia quell pussee adatt. El dis el titolar, el Lorenz Banfi, promotor del progett insema a la Scòla Insubra: «Scriv e leg el Milanes (intes comè lengua scritta de l'Insubria), el saria giamò ona bella ròba, ma mì credi che la gròssa difficoltà che vedi soratutt in di giovin l'è parlall, sostegnì ona conversazion. Per quest pensi che el nòster ambient el sia el pussee adatt per vuttà sti fioeu a tornà a cicciarà in di nòster dialett. Sì, perchè, se in del scritt dopraremm el milanes, poeu vun el sarà liber de doprà inveci la parlada di sò part. L’important l’è tornà a parlà in questa che l’è la nòstra espression pussee intima, familiar»
Cors de lengua Milanesa
Tucc i lunedì a partì dal 25 de genàr, 9 or de sira
MISENT / MISINTO (MB), c/o Antiga Osteria Sant Andrea, via S.Andrea 13
El cors el comincia ai 21.00 e el dura on ora e mezza. L'iscrizion mensil l'è de 15,00 €. Per informaziòn: 02-96328730 e
Questo indirizzo e-mail è protetto dallo spam bot. Abilita Javascript per vederlo.
| < Prec. | Succ. > |
|---|
